Tempelekskursjon og Kenny Rogers

I dag har malaygutane vore paa tempelekskursjon med seks av dei eldste elevane paa skulen. Det vart ein finfin tur. Det var eit buddistisk grottetempel. Ei digre grotte med mange store buddafigurar og liknande. Det gjekk ogsaa ei bratt trapp inne i fjellet som foerte oss opp til toppen. Andreas og Erlend var einige om at dette var graadig flott og stor stas, men Even vart litt redd og ville ikkje bli med opp. Me valgte difor aa la tre av elevane vera igjen for aa passe paa Even. Trur det var noko med dei store statuane og dei moerke grottene som blei litt for mykje for han. Dette var ein flott tur for baade oss og elevane. Bilder fraa turen vert lagt ut ved eit seinare hoeve (i morgon).

Etter skuledagen var over, bar det av sted til den flotte resturanten Kenny Rogers. Kenny serverte eit herremaaltid med spagetti bolognaise, bakt potet med biff, alle tenklige typar salat, miranda (jordbaerbrus), kaffe og muffin. Me var alle straalande noegd med det Kenny`en hadde diska opp til oss, heilt til den kollektive magerumlinga meldte sin ankomst kort tid etter. Det heile resulterte i eit brakarkor paa veg ned mot internetthallen. Den eine innertiaren etter den andre pressa seg ut gjennom samanklemte rompeballar. Me sitter her no og kryssar fingrane om at det ikkje skal eskalere til kraftigare ting en gass. Klosetta her nede er bare et hull i gulvet. Ein maa rett og slett ned paa huk og la det staa til. Med litt ekstra krutt i endetarmen kan dette (som du sikkert kan tenkja deg) resultera i at uttrykket; "aa baise seg paa leggen", blir noko meir bokstaveleg enn ein skulle oenske.